6-октябрда, Binance компаниясы крипто дүйнөгө кызыккан, болжол менен 1000дей адам менен жолугушуу өткөрдү. Биз иш-чара кандай өткөнүн жана катышуучуларга эмнелер айтылганын баяндайбыз.
Экономика жана коммерция министрлиги салыктарды санариптик валюта – санарип сом менен төлөөгө расмий уруксат берүү үчүн Салык кодексине өзгөртүү киргизүүнү сунуштоодо.
КРнын Улуттук банкы каржы секторун өнүктүрүү боюнча комплекстүү стратегияны активдүү ишке ашырып жатат. Ал стратегия негизги багыттарга — каржылык кызматтарды санариптештирүүгө, финтехти жөнгө салууга, инновациялык экосистемаларды туруктуу өнүктүрүүгө көңүл бурат. Бул тууралуу BIFF-2025 форумунда КРнын Улуттук банкынын төрагасынын орун басары Мелс Аттокуров билдирди.
Бүгүн, 30-майда Novotel Bishkek City Center мейманканасында Бишкек эл аралык каржы форуму - 2025 өтүүдө. BIFF-2025 он өлкөдөн 400дөн ашуун катышуучуларды чогултту. Алардын катарында жөнгө салуучу органдардын жана банктардын, эл аралык уюмдардын өкүлдөрү, эксперттер жана талдоочулар бар.
4-майда, виртуалдык активдерди жана блокчейн технологияларын өнүктүрүү боюнча Улуттук кеңештин биринчи отурумунун алдында Борбордук жана Чыгыш Европа, Борбор Азия жана Африка боюнча Binance компаниясынын аймактык жетекчиси Кирилл Хомяков ЖМКларга маек берди. Анда КРда криптотөлөмдөрдү ишке ашыруу, Binance билим берүү программалары, колдонуучуларды коргоо жана белгилүү криптопродукциялар тууралуу сөз болду.
Дүйнөдөгү эң ири криптовалюталык Binance биржасынын негиздөөчүсү Чанпэн Чжао Кыргызстанга иш сапары менен келди. Бул мезгилде өлкөдөгү маанилүү окуяга көпчүлүгү байкоо салып жатышты.